ହସ୍ତଚାଳିତ ଯନ୍ତ୍ରପାତି

ଆଠ ଧାଡ଼ିଆ ଗଜା ଧାନ ବୁଣା ଯନ୍ତ୍ର

କାର୍ଯ୍ୟ-

ଏହି ଯନ୍ତ୍ର ସାହାଯ୍ୟରେ ଜଣେ ଲୋକ ଅତି ସହଜରେ ଆଠ ଧାଡ଼ିରେ ଗଜା ଧାନ ବୁଣିପାରେ ।

କ୍ଷମତା-

ଏହାଦ୍ୱାରା 1 ଘଣ୍ଟାରେ 1,000 ବର୍ଗମିଟର ଧାନ ବୁଣିପାରେ ।

ବ୍ୟବହାରିକ ଉପକାରିତା-

ଏହାକୁ ଜଣେ ମହିଳା କିମ୍ବା ପୁରୁଷ ଲୋକ ଅତି କମ୍ ବଳ ପ୍ରୟୋଗରେ ଚଳାଇ ପାରିବ । ଏହାଦ୍ୱାରା ହାତରେ ତଳି ରୋଇବା ଅପେକ୍ଷା ହେକ୍ଟର ପ୍ରତି ଟ.6,000 ରୁ ଟ.8,000 ଟଙ୍କା କମ୍ ଖର୍ଚ୍ଚ ହୋଇଥାଏ ।

ମୂଲ୍ୟ-

ଟ. 6,000 ରୁ 7,000

ରିହାତି-

50 % (ସର୍ବାଧିକ ଟ.6,000)

ମାଣ୍ଡୱା ଘାସ ବଛା ଯନ୍ତ୍ର

କାର୍ଯ୍ୟ-

ଧାନ କ୍ଷେତରେ ଦୁଇ ଧାଡ଼ି ମଝିରେ ଥିବା ଘାସ ବାଛିବା ପାଇଁ ଏହି ଯନ୍ତ୍ର ବ୍ୟବହାର କରାଯାଏ । ଏହି ଯନ୍ତ୍ର ବ୍ୟବହାର ପାଇଁ ଧାଡ଼ିକୁ ଧାଡ଼ି 22 ରୁ 25 ସେ.ମି. ଦୂରତା ରଖିବାକୁ ପଡ଼ିଥାଏ ।

କ୍ଷମତା-

ଘଣ୍ଟାପ୍ରତି 130-150 ବର୍ଗମିଟର ।

ବ୍ୟବହାରିକ ଉପକାରିତା-

ଏହାଦ୍ୱାରା ପାରମ୍ପାରିକ ପଦ୍ଧତି ଠାରୁ ହେକ୍ଟର ପ୍ରତି ପ୍ରାୟ ଟ.900-1,000 କମ୍ ଖର୍ଚ୍ଚରେ ଘାସ ବଛା କାର୍ଯ୍ୟ କରାଯାଇପାରେ ।

ମୂଲ୍ୟ-

ଟ.1,510

ରିହାତି- ଅନୁସୂଚିତ ଜାତି, ଜନଜାତି, ମହିଳା, ନାମମାତ୍ର ଚାଷୀଙ୍କ ପାଇଁ 50% ଏବଂ ଅନ୍ୟ ଉପଭୋକ୍ତାଙ୍କ ପାଇଁ 40%

ଉନ୍ନତ ଦାଆ

କାର୍ଯ୍ୟ-

କ୍ଷେତରୁ ଶସ୍ୟ ଅମଳ ଓ ଘାସ କାଟିବା ପାଇଁ ଏହାକୁ ବ୍ୟବହାର କରାଯାଏ ।

କ୍ଷମତା-

ଘଣ୍ଟା ପ୍ରତି 100-120 ବର୍ଗମିଟର

ବ୍ୟବହାରିକ ଉପକାରିତା-

ଏହାଦ୍ୱାରା କମ୍ ବଳ ପ୍ରୟୋଗରେ ଧାନ କାଟି ଉହେ । ଏହା ବେଣ୍ଟ ଓ ଧାର ମଧ୍ୟରେ ବ୍ୟବଧାନ ଥିବାରୁ ହାତ ମାଟିରେ ଘସି ହେବାର ସମ୍ଭାବନା ନଥାଏ ।

ମୂଲ୍ୟ-

ଟ. 140 ରୁ 160