ପରୀକ୍ଷା ପାଇଁ କିପରି ପ୍ରସ୍ତୁତ ହେବେ ?

ଯେକୌଣସି ପ୍ରତିଯୋଗିତାମୂଳକ ପରୀକ୍ଷା, ସରକାରୀ ଚାକିରି, ବିଶ୍ୱବିଦ୍ୟାଳୟ ପ୍ରବେଶିକା କିମ୍ବା ବୃତ୍ତିଗତ ସାର୍ଟିଫିକେଟ୍ ପରୀକ୍ଷାରେ ଉତ୍ତୀର୍ଣ୍ଣ ହେବା ପାଇଁ ଆପଣଙ୍କୁ ଠିକ୍ ଭାବରେ ରଣନୀତି କରିବାକୁ ପଡ଼ିବ । ଏଥିପାଇଁ 17 ଟି ଟିପ୍ସ ଦିଆଗଲା, ଯାହା ଆପଣଙ୍କୁ ଆପଣଙ୍କ ଲକ୍ଷ୍ୟ ହାସଲ କରିବାରେ ସାହାଯ୍ୟ କରିବ । ତେଣୁ ପିଲାମାନେ ପରୀକ୍ଷା ନିମନ୍ତେ ଚାପଗ୍ରସ୍ତ ନହୋଇ ଯୋଜନାବଦ୍ଧ ଭାବରେ ପରୀକ୍ଷା ଦିଅନ୍ତୁ ଏବଂ କୃତକାର୍ଯ୍ୟ ହୁଅନ୍ତୁ ।

 

1. ସ୍ମାର୍ଟ ଅଧ୍ୟୟନ:

ପରୀକ୍ଷା ପାଇଁ ପାଠ ପଢିବା ସମୟରେ ପ୍ରଥମେ ସେସବୁ ଜିନିଷ ପଢିବା ଉଚିତ ଯାହା ସହଜ ଅଟେ  । ଏହା  ଦ୍ୱାରା ଆପଣଙ୍କର ଏହି ବିଷୟଗୁଡିକ ଉପରେ ଆତ୍ମବିଶ୍ୱାସ ବଢିବ । ଆପଣ ସେହି  ଅଧ୍ୟାୟ ଗୁଡ଼ିକ ଉପରେ ପ୍ରଥମେ ଧ୍ୟାନ ଦିଅନ୍ତୁ ଯାହା ଅନ୍ୟ କୌଣସି ଅଧ୍ୟାୟ  ଉପରେ ନିର୍ଭର  କରେ ନାହିଁ । ଏପରି କରିବା ଦ୍ୱାରା, ଆପଣ ଅଧିକରୁ ଅଧିକ ବିଭାଗକୁ ଅନ୍ତର୍ଭୁକ୍ତ କରନ୍ତି । ପରୀକ୍ଷା ପାଇଁ ପାଠ ପଢିବା ସମୟରେ ସମୟକୁ ଚତୁରତାର ସହ ପରିଚାଳନା କରିବା ଜରୁରୀ ।

2. ପାଠ୍ୟକ୍ରମକୁ ଭଲ ଭାବରେ ବୁଝନ୍ତୁ:

ଯେକୌଣସି ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିବାକୁ ହେଲେ ପ୍ରଥମେ ପ୍ରତ୍ୟେକ ବିଷୟର ସିଲାବସ୍ କୁ ଭଲ ଭାବେ ବୁଝିବା ଦରକାର। ଏବଂ ଏଥିପାଇଁ ଏକ ଢାଞ୍ଚା ପ୍ରସ୍ତୁତ ହେବା ଦରକାର । ଏହା ଦ୍ୱାରା ଆମର କେଉଁ ବିଷୟ ଶକ୍ତିଶାଳୀ ଏବଂ କେଉଁ ବିଷୟ ପ୍ରତି ଆମକୁ ଅଧିକ ଧ୍ୟାନ ଦେବାକୁ ପଡିବ ତାହା ବୁଝିବା ସହଜ ହୋଇଥାଏ ।

3. ଟାଇମ୍-ଟେବୁଲ୍ ପ୍ରସ୍ତୁତ କରନ୍ତୁ ଏବଂ ଅନୁସରଣ କରନ୍ତୁ:

ପାଠ୍ୟକ୍ରମ ବୁଝିବା ପରେ ପ୍ରତ୍ୟେକ ବିଷୟକୁ ଧ୍ୟାନରେ ରଖି ଏକ ଟାଇମ୍ ଟେବୁଲ୍ ପ୍ରସ୍ତୁତ କରିବା ଉଚିତ। ଟାଇମ୍ ଟେବୁଲ୍ ତିଆରି କରିବା ସମୟରେ ଧ୍ୟାନ ରଖିବା ଉଚିତ ଯେ ଯେଉଁ ବିଷୟରେ ଆପଣ ଦୁର୍ବଳ ଅଛନ୍ତି ସେଗୁଡ଼ିକ ପାଇଁ ଟାଇମଟେବୁଲରେ ଅଧିକ ସମୟ ରହିବା ଉଚିତ୍ । ଧ୍ୟାନ ରଖିବା ଉଚିତ ଯେ ଆପଣ ତିଆରି କରିଥିବା ଟାଇମ୍ ଟେବୁଲକୁ କଡ଼ାକଡ଼ି ଭାବେ ପାଳନ କରିବା ଉଚିତ, ନଚେତ୍ ପ୍ରସ୍ତୁତି ଠିକ୍ ଭାବେ ହେବ ନାହିଁ।

 

4. ଆପଣ ଯେଉଁ ବିଷୟରେ ଦୁର୍ବଳ ଅଛନ୍ତି ସେଥିପ୍ରତି ଅଧିକ ଧ୍ୟାନ ଦିଅନ୍ତୁ:

ଯେକୌଣସି ପରୀକ୍ଷା ପାଇଁ ପ୍ରସ୍ତୁତି କରିବା ପାଇଁ ଆପଣ ଯେଉଁ ବିଷୟରେ ଦୁର୍ବଳ ଅଛନ୍ତି ସେଥିପ୍ରତି ଅଧିକ ଧ୍ୟାନ ଦେବା  ସହ ବାକି ବିଷୟଗୁଡ଼ିକୁ ଦୈନିକ ଅଭ୍ୟାସ ଜାରି ରଖିବା ଅତ୍ୟନ୍ତ ଜରୁରୀ ।

5. ଉପସ୍ଥାପନା:

ଉପସ୍ଥାପିତ ହେବାର ଅର୍ଥ ନୁହେଁ ଯେ ଆପଣଙ୍କ ହସ୍ତାକ୍ଷର  କେତେ ସୁନ୍ଦର, ଉପସ୍ଥାପନା  ଅର୍ଥ ହେଉଛି ଆପଣ ପ୍ରଶ୍ନଗୁଡିକର ଉତ୍ତର ଗୁଡ଼ିକ କେଉଁ ଢଙ୍ଗରେ ଲେଖୁଛନ୍ତି । ଉତ୍ତର ଲେଖିବା ସମୟରେ ଗୁରୁତ୍ୱପୂର୍ଣ୍ଣ ଜିନିଷଉପରେ ଆଲୋକପାତ କରନ୍ତୁ,  ଗୁରୁତ୍ୱପୂର୍ଣ୍ଣ ଜିନିଷଗୁଡ଼ିକୁ  ପଏଣ୍ଟରେ ଲେଖନ୍ତୁ । ଆବଶ୍ୟକ ସ୍ଥଳେ ଚିତ୍ର ବାହାର କରି ବୁଝାନ୍ତୁ।

6. କ୍ରମାଗତ ଭାବରେ ଅଧ୍ୟୟନ କରନ୍ତୁ ନାହିଁ:

ଯେତେବେଳେ ବି ପାଠ ପଢିବାକୁ ବସିବେ, ସେଥିପ୍ରତି ବିଶେଷ ଧ୍ୟାନ ଦିଅନ୍ତୁ ଯେ ଆପଣ କେବେ ବି ନିରନ୍ତର ପାଠ ପଢିବା ଉଚିତ ନୁହେଁ ।  ପ୍ରତି ୧ ଘଣ୍ଟା ବ୍ୟବଧାନରେ ଅତି କମରେ ୧୦  ମିନିଟ୍ ବିଶ୍ରାମ ନିଅନ୍ତୁ। ଏହା ମସ୍ତିଷ୍କକୁ ଆରାମ ଦେଇଥାଏ, ଯାହାଫଳରେ ଆପଣ ପୁନର୍ବାର ଅଧ୍ୟୟନ ଆରମ୍ଭ କଲେ ଜିନିଷବୁଝିବା ସହଜ ହୋଇଥାଏ ।

7.କୋଡ୍ ସୃଷ୍ଟି କରନ୍ତୁ:

ପରୀକ୍ଷା ସମୟରେ କେବଳ ଗୋଟିଏ ଶବ୍ଦରେ ମନରେ ଏମିତି ଅନେକ ଜିନିଷ ଆସିଥାଏ, ଯାହାଦ୍ୱାରା ଆପଣଙ୍କୁ ପରୀକ୍ଷା ସମୟରେ ଏହାକୁ ଅଧିକ ମନେ ରଖିବାକୁ ପଡିବ ନାହିଁ ।

8. ନୋଟ୍ ତିଆରି କରନ୍ତୁ:

ଯେକୌଣସି ବିଷୟକୁ ଭଲ ଭାବରେ ପ୍ରସ୍ତୁତ କରିବା ପାଇଁ ତାହାର ନୋଟ୍ ତିଆରି କରିବା ଅତ୍ୟନ୍ତ ଜରୁରୀ । ଏହାର ଏକ ଫାଇଦା ହେଉଛି ଆପଣ ଏହାକୁ ସମୟ ସମୟରେ ଅଭ୍ୟାସ କରିପାରିବେ । ଏବଂ ଦ୍ୱିତୀୟ ଫାଇଦା ହେଉଛି ନୋଟ୍ ତିଆରି କରିବା ଦ୍ୱାରା ଲେଖିବା ମଧ୍ୟ ଅଭ୍ୟାସ କରାଯାଏ ।

9. ପ୍ରତ୍ୟେକ ବିଷୟକୁ ରିଭିଜନ କରନ୍ତୁ:

ଏହା ମନେ ରଖିବା ଉଚିତ ଯେ ପରୀକ୍ଷାର ଅତି କମରେ ଏକ ମାସ ପୂର୍ବରୁ ପୁରା ପାଠ୍ୟକ୍ରମ ଶେଷ ହେବା ଉଚିତ୍ | ଏହା ଦ୍ୱାରା ପ୍ରତ୍ୟେକ ବିଷୟକୁ ବାରମ୍ୱାର ରିଭିଜନ କରିବା ପାଇଁ ଯଥେଷ୍ଟ ସମୟ ମିଳିଥାଏ । ନୋଟ୍ ବା ପାଠକୁ ଏପରି ଅଣ୍ଡରଲାଇନ୍ ବା ହାଇଲାଇଟ୍ ଚିହ୍ନ ଦେଇଥାଆନ୍ତୁ କି କମ୍ ସମୟରେ ଯେପରି ବାରମ୍ବାର ରିଭିଜନ କରିପାରିବେ ।

10. ଥଣ୍ଡାପାନୀୟରୁ ଦୂରରେ ରହନ୍ତୁ :

ପରୀକ୍ଷା ସମୟରେ ବିଭିନ୍ନ ପ୍ରକାରର ଥଣ୍ଡା ପାନୀୟ ପିଇବା  ଅଭ୍ୟାସ ଅତ୍ୟନ୍ତ ଘାତକ ହୋଇପାରେ । ପରୀକ୍ଷା ସମୟରେ ଚା’ କଫି ଭଳି ପାନୀୟ ମଧ୍ୟ  ବନ୍ଦ କରିବା ଉଚିତ। ଏହି ଜିନିଷ ଆପଣଙ୍କୁ ଅସ୍ଥିର କରିଦିଏ, ଯାହା  ଦ୍ୱାରା ପରୀକ୍ଷାରେ ପ୍ୟାନିକ୍ ଆଟାକ୍ ହୋଇଥାଏ ।

11. ଲେଖିବାର ଅଭ୍ୟାସ :

ପଦାର୍ଥ ବିଜ୍ଞାନ, ଗଣିତ, ହିସାବ ଭଳି ବିଷୟ କେବଳ ପଢ଼ିବା ଦ୍ୱାରା କୌଣସି କାମରେ ଆସିବ ନାହିଁ। ଏହିପରି ବିଷୟ ପାଇଁ, ଆପଣଙ୍କୁ ସେହି ସବୁ ଜିନିଷ ଲେଖିବା ଏବଂ ଅଭ୍ୟାସ କରିବାକୁ ପଡିବ |

12. ପରୀକ୍ଷାର କିଛି ଘଣ୍ଟା ପୂର୍ବରୁ ପାଠପଢ଼ା ବନ୍ଦ କରନ୍ତୁ:

ପରୀକ୍ଷାର କିଛି ଘଣ୍ଟା ପୂର୍ବରୁ ପାଠପଢ଼ା ବନ୍ଦ କରି ମନକୁ ଶାନ୍ତ କରିବାକୁ ଚେଷ୍ଟା କରିବା ଉଚିତ। ଏପରି କରିବା ଦ୍ୱାରା ପରୀକ୍ଷା କକ୍ଷରେ ପ୍ରଶ୍ନପତ୍ର ସମାଧାନ କରିବା ସହଜ ହୋଇଥାଏ।

13. ପ୍ରଥମେ ସହଜ ପ୍ରଶ୍ନ:

ଆମେ ସମସ୍ତେ ଜାଣୁ ଯେ   ପରୀକ୍ଷାରେ ପ୍ରଶ୍ନପତ୍ର ଲେଖିବା ସମୟରେ ସମୟ ପ୍ରତିବନ୍ଧକ ରହିଛି। ତେଣୁ ପରୀକ୍ଷା  ପ୍ରଶ୍ନପତ୍ର ଆମ ସାମ୍ନାକୁ ଆସିବା ମାତ୍ରେ ପ୍ରଥମେ ସହଜ ପ୍ରଶ୍ନର ଉତ୍ତର କରିବା ଏବଂ ତାପରେ ବାକି ପ୍ରଶ୍ନର ଉତ୍ତର ଦେବା, ଏହା ଆପଣଙ୍କ ସମୟକୁ ବହୁ ମାତ୍ରାରେ ବଞ୍ଚାଇବ।

14. ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ:

ଅଧିକାଂଶ ସମୟରେ ପରୀକ୍ଷା  ସମୟରେ  ଆମେ ନିଜ ସ୍ୱାସ୍ଥ୍ୟର ଯତ୍ନ ନେଉନାହୁଁ । ବିଳମ୍ବିତ ରାତିରେ ପଢ଼ିବା ସମୟରେ କିଛି ଶୁଖିଲା ଫଳ ସାଙ୍ଗରେ ରଖିବା ଦ୍ୱାରା ଭୋକ ଦୂର କରିବା ସହଜ ହେବ। ମନେ ରଖନ୍ତୁ ଯେ ଏହି ଖାଦ୍ୟ  ହାଲୁକା ହେବା ଉଚିତ୍ । ମସଲାଯୁକ୍ତ ଏବଂ ଭାଜା ଜଙ୍କ୍ ଖାଇବା ଦ୍ୱାରା ଆପଣଙ୍କୁ ନିଦ ଆସିବ ଏବଂ ପଢିବା କଷ୍ଟକର ହେବ ।

15. ସୋସିଆଲ ମିଡିଆଠାରୁ ଦୂରେଇ ରୁହନ୍ତୁ:

ପାଠ ପଢିବା ସମୟରେ ଫେସବୁକ, ଟ୍ୱିଟର, ହ୍ୱାଟସଆପଠାରୁ ଦୂରେଇ ରହିବା ଭଲ । ସୋସିଆଲ ମିଡିଆ  ପ୍ରତ୍ୟେକ ମୁହୂର୍ତ୍ତରେ ଆମକୁ ବିଭ୍ରାନ୍ତ କରିଥାଏ, ତେଣୁ ଆପଣ ଆପଣଙ୍କ ଫୋନ୍, ଟିଭି ଏବଂ କମ୍ପ୍ୟୁଟର ବନ୍ଦ କରି ପଢ଼ିବା ଉପରେ ଧ୍ୟାନ ଦେବା ଉଚିତ୍ ।

16. ପ୍ରାଣାୟାମ ଓ ଧ୍ୟାନ:

ପ୍ରାଣାୟାମ ଓ ଧ୍ୟାନ କରିବା ଦ୍ୱାରା ଶକ୍ତି ମିଳିବା ସହ ମନ ଶାନ୍ତ ରହିବ। ମେମୋରୀରେ ଉନ୍ନତି ହେବ ଯାହା ଦ୍ୱାରା ଆପଣ  ପରୀକ୍ଷାରେ ସହଜରେ ଭଲ ମାର୍କ ପାଇପାରିବେ ।

17. ମନକୁ ସ୍ଥିର ରଖନ୍ତୁ:

ପରୀକ୍ଷା ପାଇଁ ପ୍ରସ୍ତୁତି ପାଇଁ ମନର ଏକାଗ୍ରତା ରହିବା ଅତ୍ୟନ୍ତ ଜରୁରୀ । ଏଥିପାଇଁ ପ୍ରାଣାୟାମ ଓ ଆସନର ସାହାଯ୍ୟ ନିଆଯାଇପାରିବ, ଯାହା ମନକୁ କେନ୍ଦ୍ରୀଭୂତ କରିବାରେ ସହାୟକ ହୋଇଥାଏ। ମନକୁ କେନ୍ଦ୍ରୀଭୂତ କରିବା ପାଇଁ ସଙ୍ଗୀତକୁ ମଧ୍ୟ ବ୍ୟବହାର କରାଯାଇପାରେ ।

ଏବଂ ଶେଷରେ…  ଆପଣଙ୍କୁ ଶୁଭକାମନା!